Während zwei Jahren habe ich gependelt. In dieser Zeit habe ich verschiedene Gespräche mitgehört und einige der Geschichten aufgeschrieben. Letztendlich kann ich sagen: Was ich am Zugfahren schätze, ist die Stille am Morgen. Was ich nicht mag ist der Zigaretten Schwall am Morgen, Haare kämmende Menschen (die ihre Haare auf den Boden werfen), rotzhochziehende Männer, hinter deinem Rücken Niesser, unangenehme meist betrunkene Fahrgäste, extrem laute oder nervige Stimmen, kreischende Teenies, aus dem Mund stinkende Sitznachbarn. Viel Spass beim Lesen…
‚Weisch was heisst SBB?‘ ‚Nai‘ ‚Schweizerische Bundesbahnen‘ ‚Weisch was heisst CFF‘? ‚Naahaaaii‘ ‚Da segi etz nöd, chasch denn mol sMami froge‘.
‚I ha mol Eini gha, die het usgseh wie 14ni aber sie isch 18ni gsi, am Morge het sie in Küehlschrank ineglueget und gmeint du musch no go Eier kaufe, denn han ich gsait: langet mini Zwei nöd? Hähähä‘
‚Min Chef isch a mim 18te Geburtstag zu mir cho und het gsait: etz dörfsch du mr au Réne sege, vorher hani ihm immer müse sieze.‘
‚Zürcher sind aber au e speziells Völkli, drum hani nie Zürcher Kollege gfunde.‘
‚D’Angelina Joli het sich beidi Brüst wegmache loh wegsm Brustkrebs.‘ ‚Het mer denn de immer uf beidne Site?‘ ‚Weiss i doch nöd.‘
‚Sitzt du nicht zu uns?‘ ‚Nein mir wird auch schlecht beim Rückwärtsfahren.‘
‚Früäner hesch dAHV no chöne 80% agheh, aber etz musch fäng scho 100%. Die Rentner chasch eifach melche. Da isch doch e verdammti Sauerei!‘
‚Lueg das isch die luschtig Kirche vo Effretikon. Dere seit mer Seeleabschussrampe, will sDach so schräg isch. Weisch wieso? Nöd gell, chasch denn sMami dihai froge.‘
‚Er het mich easy ufgregt, er het gsait ich seg arrogant – jo Alte zu dir villicht.‘
‚Hey Chico wie hesch? … Jo beschisse… pleite… bisch dihai?… jo Scheisse ‚
‚Weisch du wieviel Animes ich scho gseh han?‘ ‚Zwei?‘ ‚Tonnen!‘
‚I gang no kurz id Grabehalle und trink no zwei Bier‘ ‚Chasch au grad hai.‘ ‚Jo aber weni etz no id Grabä gang, gangi ebe viellicht nöd allai hai.‘
‚Bi üs im Küelschrank hets nur Fleisch, Käs und alli Sorte vo Fruchtsäft.‘
‚Wieso bisch du eigentlich so gross?‘ ‚Jo hm, kai Ahnig‘ ‚Du bisch jo fascht halb so gross wie de Bus!‘
‚Isch huere geil siit ich im Zug esse spari 1.5h Ziit dihai. Aber cha leider kei Milch oder Kellogs mitneh. ‚
‚Digger, alli stieged immer hine ih defür hets do immer Platz.‘
‚Weisch du wie sie heisst?‘ ‚Nai aber ich han sie uf Snapchat.‘
‚Hey Digger, Altä da isch so rändom!‘
‚I mach jetzt denn en Samstigsjob. Denn musch nur ein Tag und verdiensch voll viel Geld.‘
‚Und wie heisst s’Kind?‘ ‚Alma‘ ‚Aha, wie Küäh amel ade Olma.‘
‚Ah hesch Brötli mitgnoh?‘ ‚Jo weisch i ha hüt Morge müse ufs wc und denn bini grad schnell zum Beck gange.‘
‚Verbindig bricht etz denn grad ab, etz bini in Mörschwil.‘ ‚So isch da blöd Mörschwil endli verbi, goht de Empfang wieder?‘
‚Wenn ich die eine nehmen würde, die mich will, hätte ich sie jeden Tag zweimal‘ ’schön‘
‚Was mached eigentli all die Lüüt in Mörschwil ohni Internet?‘
Was isch das eigentli für en komische Bus?‘ ‚Ganz en Normale nöd?‘ ‚Nai im Ernst i ha no nie so en Bus gseh.‘
‚Da neu Foti wo sie postet het isch jo voll scheisse.‘ ‚Jo gell, het die so e Hackfressi?‘ ‚Jo aso ihri Zäh sind eifach hässlech und denn so vo de Siite.‘
‚Dir isch doch sowieso glich weni verreck. Nöd?‘ ‚…‘ (Altes Paar, kein Scherz!)
‚Bi üs chunt hüt de Samichlaus.‘ ‚Hä hüt isch aber de Füft de Samichlaus chunt erst am Sechste.‘ ‚Jo aber bi üs chunt er hüt.‘ ‚Aber es isch jo nöd Samichlaus.‘ ‚Jo i weiss doch au nöd wohrschindli hends uf de Gmeind en Dürenand‘
‚Ouuu nai lueg de Micha!‘ ‚Und de Marlon… he nai…‘
‚Wo müssen wir aussteigen?‘ ‚Ja ich weiss es nicht…‘
‚Guete Morge, hetted sie mir ächt zwei Franke für en Kafi?‘ ‚Nai sorry, en schöne Tag‘ ‚i gib Ihne en guete Tipp: Münd sie weniger Süürigi Sache neh.‘ ‚Ah ok, merci!‘
‚Hey voll nice, denn isch jo easy, en guete, baba, tschüüühüüüüssss‘
‚Lueg mis Handy isch kaputt.‘ ‚Isch halt es IOS‘ ‚Jo aber lueg‘ Jo musches halt neu starte.‘ ‚Aber lueg da tuet nöd‘ ‚ebe musches neu starte.‘ ‚Denn hani da probiert und da goht au nöd‘ ‚EBE musches neu starte‘ ‚ musch nöd so schreie‘ ‚zum vierhunderttusigste mol musches neu starte‘
‚… denn hani gsait, i will 20’000 meh Lohn im Johr, hends gsait: nai, denn bini gange. I mach jo nöd e Schuel zwei Johr und chum denn kei Stutz über. Bim neue Ort hends mer’s etz geh, etz hani 5800 pro Monat.‘
‚Jo etz aber, etz goht eifach Türe uf. Isch da freies Lüften oderwas? Haha‘
‚Dies ist die letzte Haltestelle. Viele Dank fürs mitfahre.‘ ‚Jo bitte gern.‘
‚Du denn heged die amel ide Ferie nur zehn Minute ziit gha zum sich dusche – seb isch jo au kei Ziit do bringsch di jo nöd suber.‘ ‚Wohrschindli hend die eh scho alli gstunke dasses gar nüme gschmöckt hend‘
‚Wie alt isch sie?‘ ’14ni‘ ‚ah denn cha sie jo Alkohol trinke. Aso halt nur Bier, aber Bier isch jo kei Alkohol‘ ‚i kenn ein wo 15ni isch, da isch de gröscht Alkoholiker.‘
‚Sorry Funkloch… Mörschwil‘
‚You are such an asshole if you say that.‘
‚Id Stadt go mit Flipflops isch kai gschiidi Idee‘
‚Weisch du alli näme vode neue klass?‘ ‚Jo da chani voll guet‘ ‚I chönt da villicht au guet weni mi wür konzentriere‘ ‚Da het nüt mit konzentriere ztue, i cha da eifach. Wennis gseh denn weissis eifach. Lara, Larissa, Angelina… gell viel informatione wo ich gsammlet han?‘ ‚Jo würkli‘ ‚Und das nur will ich mitglauschet han‘ ‚Aha‘
‚Mein Gott du bisch 17ni, etz nimm mol en Shisha Schlauch is Muul. Du bisch so: wenn i mol e Party mach denn seisch: nai i lange nüt ztrinke ah und denn singsch chli alli mini Entli. Da bisch du. Weisch mini Eltere hend letzti e Etikette vomne Bier i mim Sack gfunde aber sie wüssed dassi en Saugoof bin drum isches mir egal. Und i ha gsait i heg nu d’Etikette gnoh und sBier seg leer gsi, denn het sie gfrogt und wer hets denn trunke und denn hani gsait: en Mensch. Tja.‘
‚Nimm de Huet abe susch vergessisch ihn‘
‚Lueg de Säntis.‘ ‚Jä meinsch das ischer.‘ ‚Äh du‘
‚Jo weisch en Wohnwage, de muss mer denn putze noch de Ferie, denn fahrt er zwenig schnell… aber weisch so uf Fiji wötsch jo au nöd flüge do flügsch viel zlang und denn isches no ase tür und denn gfallt mer viellicht jo de Strand nöd emol.‘
Telefongespräch: ‚Wo chömed denn die zwei blaue Auge her? … Aha… aber denn isch d’Nase nöd broche? … Aha… Lueg es muess dir niemert drohe! Ich werd immer uf dich luege! Und wenn wiedermal so öppis isch, denn meldsch dich bi mir ich bin so eine, wo nöd grad zu de Bulle rennt und probiert das anderst zlöse.‘
‚Ahständig bliebe. Etz chönder jo eifach mol no e halb Stund chli ruhig sii.‘
‚Was isch denn das Gspässigs?‘ ‚Marshmallows‘ ‚Was? Das isch doch irgend es Gummi-zügs, das chasch selber esse.‘
‚Chan ich schlofe?‘ ‚Nai Opa bitte nöd schlofe‘ ‚aso guet denn schlofi nöd.‘
‚I lern gern am Mittag. Weisch muesch alti Hirnzelle ficke, denn hesch wieder Platz für Neui!‘
‚De Scheitlin de huere Tubel verdient 400’000 und het kai Ahnig was ide Stadt lauft. Die im Rathuus sind frei vo jeder Realität. Grad mit dene Droge zum Bispiel, kei Ahnig hends! aber so e Uhr go kaufe. Und die Chline presseds us wie e Zitrone!‘
‚Tschüss Tschau Tschüss gell‘ ‚Tschau Tschau Tschüss Erika‘
‚Sie schriebt so: hinamabu und denn segi so: he wa meinsch du, i glaub du hesch di verschriebe. Denn seit sie: nai voll nöd mer müäs alles zämä lese, HINAMABU. I has denn immerno öd checket denn seit sie: jo hinamabu. Und denn het sie echt gmeint: hüt am obig. Hallo?‘
‚Ou wäh lueg! En Böög! I frog mi was für Mensche das sind, wo ihren Böög eifach ad Schiibe klebet.‘
Kolleg machsch einol öppis kaputt. Alte hend mir scheiss gmacht.
Zwei alte Frauen: Oder ebe de Hosenabe wo mer sit 40 johr spieled. Wenn ich gwünne denn hets nöd golte. So goht da nöd. Denn heissts denn wieder: typisch Lotti. Du weisch i bruch da nüme. Für mi stimmts eifach nöd. Und denn so Seich behaupte vo Genoroso gseht mer de Säntis, wo gar nöd stimmt. Und denn nöd ihgseh, dass sie en Seich verzellt! Und dass ich etz schneller bi wie anderi bim Jass spiele, da het jo nöd immer Vorteil.
‚Eis, Zwei, Drü… i figg di is Chnüü…‘
‚Ah da musch no wüsse vo mir da isch e mega wichtigi Information über mi. Mich het mer Muetter vode Klass gnennt, will ich mich immer um Anderi kümmere. Ich werd die nöchste paar Johr uf eu ufpasse.‘
‚Weisch ich han ebe 100 Euro übercho und ich mues no id Apothek es Medikament go hole und denn musi no es neus Ladekabel go hole will das woni etz han macht mir chli Sorge und ich han ebe 100 Euro becho und mues no id Apothek will ich bring de Hueste nöd weg und denn muesi no es neus Kabel ha und denn hani ebe 40 Euro scho ufbrucht und ich han ebe 100 Euro übercho und i mues es Medikament hole ide Apothekt und es neus Kabel will das woni etz han macht mir Gedanke und ich denn hani no es paar Euro woni mues au Esse kaufe will ich bruch öppe 40 Euro…‘
‚Two years before i was very sad but now i’m happy because I was in Asia just fuck around. And now I feel very happy inside.‘
‚Hesch du mol e Nutte für di tanze loh? ich han mal es Bier kauft für 12 Euro, i somne Spuntä. ich han d’Welt nüme verstande, richtig primitivi Nutte hets dött ine gha. 12 Euro het sie wölle für zwei Deziliter Bier, denn hani ihre 50cent ahgworfe und bin gange.‘
„He Altä weisch wie i mi fühl? Wie e gottesfürchtigi Fotze!“
‚Die het so perfekti Brüscht. Da isch d’Ex vom Ronaldo. Etz gosch grad hai go wixxe.‘
‚Alte bisch du behinderet. Schwerst behinderets Kind. ‚